هى كدة خلصت خلاص
و بجد دى النهاية؟
من بعد سبع تلاف سنة
تخلص فجأة الحكاية
نستسلم للى سارق
و اللى فالدم حارق
و خلاص معدش فارق
مين يختم الرواية؟
مصر اللى على اسمها شاب الحجر
مصر اللى على حبها طرح الشجر
مصر اللى على فراقها يبكى القمر
مصر اللى فكر انه يعاديها
ذكره التاريخ انه انتحر
مصر أصل الكون زى الأرض و السما
مصر القلب الحنون فالفرح و الضنا
ده أنا ارضى بالعما
و الموت إنما
ما أرضاش اشوف بلادى
من ايد لإيد بتـتــرمى
هتموتوا ع الكرسى
ناسيين موت القبور
انا بس و يلا نفسى
و هيا تروح تغور
يا مصر ليه بتنسى؟؟
و أنا دمى يفور
و اللى أكلك يبقى مالكك
و اللى حبك خلف سور
حظك يا أماه
يا بلدى اتحملى
بيجرحوكى و ينغزوكى
و انتى ساكتة تهملى
و تقول برضه ولادى
و كأن الجرح عادى
يا نزيف الدم نادى
يكفى بلاش تكملى
الموت رحمة يا أماه
و متقوليش ولادك
فيه ابن يسرق امه
و يستحلى فسادك
فين ولادك؟
دول ولادك
اللى سرقك و اللى نهبك و اللى باعك
و اللى سد الودن عنك
رافض سماعك
و اللى قال دى مرات ابويا
و اللى استعر من لهجتك
لما داق طعم لبعادك
..دول ولادك!!!!
ياللى انت فاكر ان مصر
يعنى كرسى
يعنى صوت و شعار و قرعة
وعلى مين هترسى
مش مهم مين هيفضل
المهم ان اللى يوصل
يبقى فاهم ان بلدى
مش مبايعة و فوز و نصر
يبقى عارف ان بلدى
رمز خالد كل عصر
يبقى شايف إن بلدى
ملكة قاعدة جوا قصر
و آدى الكرسى
الله يلعن ابوه .. اهه خدوه
لو هتتخانقوا اقسموه
ماتسبوش و لا حاجة منه
بس أملى .. تسيبوا مصر
و بجد دى النهاية؟
من بعد سبع تلاف سنة
تخلص فجأة الحكاية
نستسلم للى سارق
و اللى فالدم حارق
و خلاص معدش فارق
مين يختم الرواية؟
مصر اللى على اسمها شاب الحجر
مصر اللى على حبها طرح الشجر
مصر اللى على فراقها يبكى القمر
مصر اللى فكر انه يعاديها
ذكره التاريخ انه انتحر
مصر أصل الكون زى الأرض و السما
مصر القلب الحنون فالفرح و الضنا
ده أنا ارضى بالعما
و الموت إنما
ما أرضاش اشوف بلادى
من ايد لإيد بتـتــرمى
هتموتوا ع الكرسى
ناسيين موت القبور
انا بس و يلا نفسى
و هيا تروح تغور
يا مصر ليه بتنسى؟؟
و أنا دمى يفور
و اللى أكلك يبقى مالكك
و اللى حبك خلف سور
حظك يا أماه
يا بلدى اتحملى
بيجرحوكى و ينغزوكى
و انتى ساكتة تهملى
و تقول برضه ولادى
و كأن الجرح عادى
يا نزيف الدم نادى
يكفى بلاش تكملى
الموت رحمة يا أماه
و متقوليش ولادك
فيه ابن يسرق امه
و يستحلى فسادك
فين ولادك؟
دول ولادك
اللى سرقك و اللى نهبك و اللى باعك
و اللى سد الودن عنك
رافض سماعك
و اللى قال دى مرات ابويا
و اللى استعر من لهجتك
لما داق طعم لبعادك
..دول ولادك!!!!
ياللى انت فاكر ان مصر
يعنى كرسى
يعنى صوت و شعار و قرعة
وعلى مين هترسى
مش مهم مين هيفضل
المهم ان اللى يوصل
يبقى فاهم ان بلدى
مش مبايعة و فوز و نصر
يبقى عارف ان بلدى
رمز خالد كل عصر
يبقى شايف إن بلدى
ملكة قاعدة جوا قصر
و آدى الكرسى
الله يلعن ابوه .. اهه خدوه
لو هتتخانقوا اقسموه
ماتسبوش و لا حاجة منه
بس أملى .. تسيبوا مصر
ليست هناك تعليقات:
إرسال تعليق